அளவுகோல்

தாத்தா வெகுளி,
எறும்புக்கும் தீங்கிழைக்காதவர்.
அதிர்ந்தும் பேசாதவர்.

அப்பா குடிநோயாளி.   
சீட்டு, குடிக்கு அடிமையாகி,
நாற்பதுச் சொச்சத்தில்
ஆயுளை தொலைத்தவர்.

என்னை எடுத்துக்கொள்.    
அயோக்கியத் தனங்கள்
அத்தனையும் அத்துப்படி.
மகானாவதற்கான வாய்ப்பு
எனக்கு அதிகம்.

பரம்பரைப் பெருமை பேசி 
உங்களை ஆளும் வாய்ப்புக்காக 
வாசற்படி வந்து நிற்பவனை,     
எந்த அளவுகோலை வைத்து
அளவிடுவீர்கள் என் மக்களே!
----------------------------------------------------
 
                          - அகரத்தான்.