உண்மைக் காதல் உன்னில் இல்லை

உயிரைக் கொடுத்து
உன்னை இழக்கும்
இதயம் எனக்குத்
தேவை இல்லை

வலியைத் தாங்கும்
வார்த்தை தேடும்
உன் விழிகள் இங்கு
அருகில் இல்லை

இளமை தேடும்
பூக்கள் இன்று
வீசும் வாசம்
புரிய வில்லை

அலைகள் மோதி
வந்த காதல்
கரையும் கூட
உணர வில்லை

விதியை நினைத்து
புதிய வழியை சமைக்கும்
இதயம் கூட
என்னில் இல்லை

கடைசிப் பார்வை
உன்னை நோக்கி
என் விழிகள் மூட
அதிஷ்டம் இல்லை

உணர்வை வெறுத்து
உலகைக் கடக்கும்
உண்மைக் காதல்
உன்னில் இல்லை

அமைதி கொடுக்கும்
அடுத்த ஜென்மம்
அதில் என்னைக் காண
உனக்குத் தகுதி இல்லை

                             அபிசேகா